جامعة هوى الشام للشعر والأدب

منهل حسن

وقوع فاره في مصيدة الوزاره
.......................................
ردي علينا ياكرسي
ولاديري الدان الطرشي
كلب الأمير أمير
كلب الوزير بسه
...........
ردي علينا ياكرسي
ماحلك لسا تنسي
أنسيتي أيام التعتير
كان فطورك خبز شعير
شقيتي وانظلمتي كتير
مولازم فينا تحسي
ليش علينا تكبرتي
متل البالونه صرتي
التنكه الفاضيه بدق
مفكري حالا بعصر الرق
بدي أحكي ولا بطق
زباله وبدى مكنسه
أومنضل بهل حاله
نكسه ورى نكسه
ولك ردي علينا ياكرسي
.............
ردي علينا ياكرسي
والله الحاله بتأسي
شلحي النضاره السوده
نزلي مره من التكسي
الفاره بدى جبنه
ع البطن حزمنا المرسي
والجبنه عند البسه
والبسه بدى لحسه
ومنيين ياحسره اللحسه
صار الراتب فراطه
اليوميه بسعر الخسه
...........
دارون مسطول ومهبول
ومنصاب بمرض نفسي
الفاره عم تولد فاره
البسه بتولد بسه
.............
بقلمي منهل حسن