جامعة هوى الشام للشعر والأدب

الشاعر أحمد اسماعيل الاعرج

ايام زمان
اطلعي يا نجمة الصبح الوحيده
ضوي بلادنا بعتم الليالي
حتى نعود ايام الحصيده
الايام المضت تخطر ببالي
كان المنجل يخرخش بايدي
يتنقل من يميني لشمالي
رغم التعب ايامُ سعيدهِ
كان العنب في عب الدوالي
كان مجدره وكانت عصيده
على نار الحطب والاشتعالِ
عنبع المي في الحر الشديد
تشعر انك بروس الجبال
اصطادالحجل والصيده العنيدة
ومن ثم السبع آخذ غزالي
كانت صحبة الناس المجيدهِ
وكان البن يغلى في الدلالِ
لا كان تلفاز ولا كانت جريده
ولا كانت اخبار تغم بالي
ولا جوال يتنقل بايدي
يجيب هموم بنصاص الليالي
في هالأيام لا أفرح بعيدي
ولا القى جواب على سؤالي
غراب البين اجا بهمه جديده
ضربني بمخلبه وكسر سلالي
رحلنا وصرت أنشد في قصيدي
على اللي صابنا واللي جرالي
صار الندل ييجي يشد اييدي
يوصلني الى خيمة عيالي
ساق الله على ايام الحصيده
ساق الله على الرزق الحلال
شيخ الشعراء
احمد الأعرج
بيت لحم فلسطين26-6-2016