جامعة هوى الشام للشعر والأدب

راضي يوسف مشيلح

عيد المسنين
---------------------
مثل الايمان بقلبنا كبرتوا
وبيظل غالي بقلبنا الايمان
ومثل الوفا بعيونّا صرتوا
ولو ما تكونوا هالوفا ماكان
علينا بجناح العاطفه صنتوا
تا عمرنا صفا العمر منصان
ولوما يكونوا كبار ما كنتوا
ولوما تكونوا ما جمعنا مكان
انتوا الحبايب كلكم انتوا
وياريت فينا يكون بالامكان
نقدر إنْوَفِّي فضل شو عملتوا
لكن يا حسره ضعاف تا انوفي
عنا يوَفيكم ربنا المنان
---------------------------
بقلمي راضي مشيلح