🎻 أحضان دافئه 🎻
وأنا فى حضنك حبيبى بحس ديما بالأمان
عوضنى وأنا معاك عن ليالى البعد والحرمان
وخلينى أصرخ جوه حضنك من شدة الحنان
وكل ما أصرخ زياده زود الأحضان كمان
وإعتبرنى لوحة تحت إيدك وإنت الفنان
أو لحن غنوة وانت مايسترو وعازف للكمان
كنت غايب عنى فين فينك حبيبى من زمان
تملى واحشنى وغصب عنى أنا للقا عطشان
ضمنى حبيبى وأسقينى ديما من نبع الحنان
وعمرى ما أخونك لإنى فعلا مش جبان
أنا صعب بدونك أعيش إلا بنعمه النسيان
وعمرى ماهنساك فى يوم لأنى انا انسان
ولو نسيتك حبيبى يبقى أكيد مت من زمان
رضا حسب النبى /24/3/2017 :
ليست هناك تعليقات:
إرسال تعليق