(((((غلاوة القلب)))))
وجه الموت وخطف حته مالقلب ونور العين
وماكان عالبال ياخد غلاوة القلب والوجدان
إبني ياعمري ياحصاد عمري وسنيني
إبني ياحته من روحي وأغلي من روحي ونفسي كمان
أبكي عليك يابني العمر كله ولا يكفي
لأ عايزه فوق العمر إتنين ,تلاته كمان
أبكي عليك بدمع العين ولا يكفي
لأعايزه بداله بحور الدنيا وتكون قليله عليك
ياريت جه الموت وخدني أنا ولاشفتش الحسره والقهر مالي العين
ياريت البكي يابني يرجع اللي راح
كنت بكيت بدل السنين قرون
وروح ياضيا العين للحبيب اللي مافوقه حبيب
اللي هيكون أحن عليك وأحب من أحن حبيب
ودا يابني اللي مصبرني إنك في رحاب الله
وشايفاك والجنه والملايكه مرفرفه وكلها حواليك
وماأحلاها عيشه ومستقر لحد مايجمعنا المولي رب الكون
وماتقلقش يابني وربنا يقرب كل شيء بعيد
الشاعرة سهير بدران
30 مارس 2017
ليست هناك تعليقات:
إرسال تعليق