🎩🎩 
🎓. الساحر 🎩🎩🎩
متخلي حروفك دلع
لو حتي فيها الوجع
الشعر سحر وبدع
وحروف تهز حروف
مد الجناح وانطلق
ف الجو انت الملك
حرف العبيط ينحرق
اصله عديم الشوف
حرفي رسالة نبي
والشعر ده مذهبي
حريف انا مش غبي
وصنايعي غزل حروف
والشعر ده موهبة
رزق من الله و هبة
وحروفنا دي كهربا
نورها ف كونا يطوف
شعراء كتير بالزور
نحانيح بقول مكسور
بكرة يفضوا الدور
اصل الاصيل معروف
والشعر مش هرتلة
وحروفه متسلسلة
الشعر سحر يا ولا
تسحر بكلمة الوف
#دعبسيات_ابراهيم_دعبس_الساحر
ليست هناك تعليقات:
إرسال تعليق