تعالى
تعالى نغزل من نبض قلوبنا
نور يفرش وينور لنا طريقنا
ويبقى الشمس اللي بتدفينا
وفي عز البرد اللي بيغطينا
عايشه بيه احلامنا وامانينا
دا هو حباتنا دا هو اللي لينا
تعالى
خلي روحك جمب روحي
من همسك أداوي جروحي
وفي حضنك انسى روحي
والنسمه ليك أقولها روحي
في بعدك تعبت من نوحي
دا قربك مشتاقه ليه روحي
تعالى
دا الشوق ليك ياه دوبني
من خوفي عليك حيرني
قلبي بحنينه ليك غلبني
عزولي في هواك جرحني
الدمع في عيني فضحني
لعذاب هجرك ليه سيبني
تعالى
ننسى كل اللي فات
كل الانين كل الآهات
وجراح مليانه حكايات
ووحده أسيه بالساعات
ضنين البعد ووجع الآنات
ليه نعيش على الذكريات
تعالى
نعلم القلوب عشقنا
ازاي تبقا الناس زينا
أزاي عايش كدا حبنا
في بعدنا في قربنا
وصال غرامنا وودنا
حكايه مين اللي زينا
تعالى
دا القمر لغيابك زعلان
والفرح لاجلك سهران
هو انت ناسي العنوان
ولا انت بخوفك حيران
من كتر الهجر اه ندمان
تعالي بس دا انت الامان
تعالي
كلمات
مجدي فرحات
ليست هناك تعليقات:
إرسال تعليق