أسيــــــــــــر
.............................
ساعات أحس انى أسير
وانى يوسف جوه بير
عمرى ما اتمنيت اكون سلطان او امير
او ألبس الغالى
وابص للعلالى
وافرد قوتى على الفقير والغفير
اتمنيت.....
وياريت.....
انى اكون اسيرك
وعمرى كله
مايكون لغيرك
وتوب الهوى انسجهولك حرير
عارفه ليه ياحببتى؟؟
لأن حلمى بيك جنه
وانا فيها عريس ..
وانت فى ايدك الحنه
وياما كنت باتمنى
اضفر هوايا جدايل
يزينوالشوق والحنين
مشتاقين..مشتاقين
يضموك ولو ضمه
وغيرنا يتعلم
اذاى ينقش الحنه
على باب الجنه
على باب الجنه
شعر/ عبد الغنى عبيدو
ليست هناك تعليقات:
إرسال تعليق