(جانى ابويا ف المنام)
جانى ابويا ف المنام
قالى طب حقك عليه
ايوا كان نفسى اضمك بين اديا
كنت بانده ليك ياولدى
مكنتش اعرف انك ضحيه
وان الايام شيلالك
وان الاوجاع سيبالك
ولا عارف ايه اللى جرالك
من وقت ما سيبتك بدرى
انا عارف انك طيب
مستنى الفرح يجيلك
وبتحزن بس قريب
هتلاقى الخير يناديلك
متمسك بايمانك لسه
بتصلى الفرض بفرضه
اوعك تنسا الحق ياولدى
ولا تنساش احسانك برضه
عمليتلك ايه الاحزان
ماتسبها وابعد عنها
لسه على وشك بيبان
من اصغر حاجه بتعملها
خلى بالك بس لحالك
وبص لبيتك وعيالك
راعى اللى يرعيك
وكبر ابنك يبقا ليك
وانه فيوم يبقا بدالك
ولا تنساش الدعوة ف سجدة
اصل انا محتاج الدعوة دى منك
بتجينى زى نور... كده برده
اهى برضه تشيل الذنب عنك
وكلمه اخيرة وراح اسيبك
ما يصيبك الا نصيبك
اصل الدنيا دى زيلا و فانيه
متعش ياولدى الحيرة
اللى بيبقا بعد زوالك
هى وبس ياولدى السيرة
والخير بالخير موجود
واعمل للاصل وجود
وان كان الشر قريب
اعمله ياولدى حدود
وافتكر انك جايلى ف يوم
اعمل حسابك ليه
ولا ترميش على حد اللوم
بكره عملك هتلاقيه
18/3/2017
#zezoelmsry
خالد صبحى
ليست هناك تعليقات:
إرسال تعليق