{ بحبها وروحي فيها }
بكره عيد الحبايب
وانا الغايب
ماليش نايب
سألت فين القمر ..؟
قالوا القمر غايب
ف قلت إيه العمل
ياقلبي يادايب
قالي بدون تفكير
نمشيلها بالمشاوير
ونسأل عليها الطير
دا الأم في الجنه
ورده فواحه
والبصه في عيونها
وقت التعب راحه
والورد من حسنها
خد لونه من لونها
وعلى نسيم سحرها
يرقص ويتباهى
سألوني بتحبها ..؟
قلت روحي عندها
سايبها تسكن ضلها
والجنه دعوه منها
بحبها .. وروحي فيها
ولما تقسى غربتي
باشتاق إليها
ونور طريقي ف دنيتي
من نور عينيها
بحبها ..
قلب الملايكه قلبها
بحبها .. وروحي فيها
ومالت النسمه عليا
قالتلي قلبك ليه ناسيها
قلت روحي وعمري ليها
روحي حالا واسأليها
هتلاقيها ساكنة فيا
وتلاقيني قلب فيها
وتلاقيني قلب فيها
________________
بقلم ......
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق