قصيدة بعنوان(أيام زماااان)
بقلم الشاعر(عرفات الامير)
مصر/قنا/الوقف/المراشدة
الخميس/٢٣/٣/٢٠١٧
"""""""""""""""""""""""""""""""""""""""""
حنيت لأيام زمان أيام البراءة
أيام ماكنت بجري ف دنيا سباقة
ماكنتش بخاف من بكرا أو لحظة فراقة
كبرت وعرفت إنه فيه فرقة حراقة
أولها إنه تفارق أمك وف دقيقة
وتعيش ف الدنيا وحدك ماهي دنياسراقة
تخطف منك ف لحظة كل أشواقك
وتعيش نفسك ذليلة ف موجة غراقة
وتقيد ف قلبك مواجع أكبرها حريقة
ولو قلت الآه ف مرة بتبقي دي عيبة
دا البكا للراجل عيب والدمعة رقراقة
والفرقة دي نصيب والآهة شهاقة
أرضي بنصيبي وأسكت بالوحدة أنايابا
"""""""""""""""""""""""""""""""""""""""""""
دنا لما كنت بتعب بآجي علي صدرها وانام
ولو مرة لساني يتعب تفهم من عيني الكلام
كانت نظراتها دايما ليا الدفا والحنان
كان الكلام من لسانها كله تكبير وسلام
كان وجعي ف حضنها يتبدل لاحلام
كانت أمي شفاي من وجعك ياايام
كانت عيوني تنعس وعيونها لابتنام
امي انتي هدية وصاني عليها العدنان
امك ثم امك ثم امك ويكفيكم الكلام
والجنة فوق الجنة مكانها تحت الاقدام
ليكم ياكل ام مني التحية والسلام
عايشين او تحت التراب نستودعكم الرحمان
وندعو الله العظيم يغفر ذلات اللسان
"""""""""""""""""""""""""""""""""""""""
ليست هناك تعليقات:
إرسال تعليق