الشاعرة سهير بدران
1 سبتمبر، 2015 ·
((((((زي الطير)))))))
أنا مهموم ......أنا مهموم......أنا مهموم
وبادعي ربنا إنه ياخدني من همي وأقدر أقوم
أنا مهموم من الوحده....................................
أنا مهموم من القلوب اللي في طبعها جاحده
أنا مهموم من الإيد اللي مديت إيدي لها بالخير
أنا مهموم ونفسي يكونلي جناحات زي الطير
أنا نفسي أروح لمكان مفيش فيه ولا إنسان
أنا نفسي أتوه مايتعرفلي مكان ولا عنوان
أنا كان نفسي في إيد تطبطب وتداوي قلبي من الأحزان
أنا نفسي أزيح الهم عن نفسي لجل ماعينيا تدوق النوم
أنا نفسي أنسي الماضي والحاضر واللي جاي كمان
أنا نفسي أروح في دنيا جديده مفيهاش هموم ولاأحزان
أنا إنسان وتعبت من القسوه......................................
داروحي عايشه ومشتاقه وعايزه حنان
أنا جوايا حب يكفي كل الناس....................................
أنا جوايا طاقة خير مش عايز تروح ماتجيش
أنا لسه جوايا نقاء وقلب لسه الأيام ملوثتوش
أنا جوايا قلب أخضر لسه راويه ياناس بالخير
أنا روحي عايزه تعيش حره طليقه زي الطير
وإوعوا ياناس تفرطو ا فيا لاروح وماجيش
ليست هناك تعليقات:
إرسال تعليق