كلمتين مش عايز اكتر فى الكلام
بس عايز أقول حرام
اذاي يقوم النص
والقالب ينام
اذاي انا الفارس
ويهزمني الميدان
ولا دا نوع م الانتقام
مع أنى قبل ما ارمي حربه
بديها كل الاهتمام
وجرابي مملي بالسهام
وللجواد حاكم الزمام
يعني ف أمور الحرب
مش ناقص علام
واعرف اصيب النمله
لو جوه الركام
ليه بنهزم
مع اني قائد الصفوف
ليه بنعزل
وخطه الأعداء دارسها
ومامنهاش اَي خوف
ولا عاجبهم بس
تطبيل الدفوف
ولا احنا فيه بينا خاين
وصل عدونا للأمام
ولا الخيانه فى النظام
ولا انا اللي عشان شجاع
كلمتي بتكون حرام
معلش كترت الكلام
بس كنت عايز أعرفك
لما تحكم بالعدل تحكم
ازاي تطلع فارس
وبتنصر غلام
انا اعتزلت الحرب
ومش هنزل ميدان
وسيفي هخده فى حضني
ويايه ينام
وحقي هخده
ومهما طال الزمن
الحق هيجيله يوم
وفيه لازم يبان
ولما تسأل عليه
اسمي اكيد عنوان
الشاعر بلبل عثمان
ليست هناك تعليقات:
إرسال تعليق