بحبك يا بلدى
وحبك فى قلبى
معشش وساكن
بقالو سنين
بحبك لكرمك
ونيلك وهرمك
واهلك يا بلدى
ناس طيبين
ناسك غلابة
بس الديابة
واكلة عشاهم
وغدا الشقيانين
وتضحك على اللى
مصدق تمللى
مكر الديابة
بمخه التخين
ويصبح يهبل
يهيص يطبل
وينسى انو سايب
العيال جعانين
وغيره اللى فاكر
حكم العساكر
هيبنى مدارس
لولاد فلاحين
او يبني مصانع
للجيل اللى طالع
مش لاقى وظايف
وعايش حزين
او يبنى مساكن
للشخص اللى ساكن
هناك فى المقابر
مع الميتين
والناس اللى نايمة
تحت الكبارى
والناس اللى قاعدة
عالرصيف بردانين
اصحى يا خايب
وشوف المصايب
وشوف بغباءك
شوف وديتنا فين
بقلم
ابو زيادة مجدى.
ليست هناك تعليقات:
إرسال تعليق