عفريت الشعر
عفريت الشعر ملازمنى
وانا وهو زى الاخوات
من عز النوم يقومنى
يلقنى تلات كلمات
اصرخ واقوله ارحمنى
ومش لازم معايا تبات
وروح شوفلك صاحب غيرى
أو بنت حلوه من البنات
يحلف ويقولى مش سايبك
وراح اقعد بعيد فى سكات
اصدقه واسيبه يقعد
الاقيه يقولى التعلب فات
ويوسوسلى بأشعاره
وانا من غيظى اقوله هات
عفريت الشعر دا تاعبنى
وعاملى فى راسى صداع
منه بخبى اوراقى واقلامى
ومش لاقيه منه خلاص
آمال بدر
ليست هناك تعليقات:
إرسال تعليق