قطر الشوق...بقلم الشاعر أبو عمر

أنا عاشق
و بارسم حلمي في عينيك .
معاك حكمل المشوار
ما دام الحب وياك
و اجمعلك
حروف إسمي
كعقد جميل على صدرك
بيجمعهم
مشاعر حبي في قلبي بقالها سنين
و باتمنى
تيجي لي تمسحي حزني
تضميني
تنسيني
اﻵم البعد و الغربة
مع إنه
بعادنا زاد محبتنا
يا ريت نركب
أنا و انت
في قطرالشوق
ندوس ع الصعب بالبسمة
و إيدي ماسكة ف ايديك
عيونك بحر من رقة
ساعات باسرح أنا فيهم
و ادوب فيهم
و شعري هو مركبتي
و نبضي هو مجدافي
عشان أوصل
أنا لشطك