ما تقوليش بُكرة
وتسيبني النهاردة
علي أحلامي أعيش
تبقي كده علي فكرة
بتقاسي الوحدة
و بتوعد مابتجيش
أنا قلبي خلاص
عاش الإخلاص
حتى لو اتألم
من غير ما اتكلم
حبك بإحساس
باحتاج لؤنسك
إني اسمع همسك
تيجي تقولي بُكرة
أنا محتاج اللحظة
وبُكرة يبقي ذكري
ما بفكرش في بُكرة
ياسيدي ياروحي
عيشني النهاردة
وبُكرة يبقي بُكرة
ولما يجي بُكرة
حتقولي بردو بُكرة !!
ايه أخرتها معاك
وحكايتك مع بُكرة
حيرتني وياك !!
كرهتني في بُكرة
ــــــــــــــــــــــــــــــــــــــــــ
بقلمي / محمود مسعود (( شعر عامي )) 28/2/2016م
ليست هناك تعليقات:
إرسال تعليق