جامعة هوى الشام للشعر والأدب

راضي يوسف مشيلح

صُدفه---من ديواني حفنة غزل
------------------------------
صُدفه لقيتا واقفه قبالي
بتنده عليي بصوت مش عالي
بتسال عن الاحوال
عَلِّي انحكا وانقال
عن برعم الحب ال بدا
يشرب من دموع الندى
وعن طير وقْف الصبح صلاّله
يفتِّح يشوف الواقف قباله
ومن دون حكي سمعت الحكي
مثل ال كانو مسافر وتعبان
راجع ع حي الولدنه نعسان
من عيونها بيجُر خطواته
ع عيون نطْرت هالحلم ذاتو
وكل ما اقترب خطمه
عم تكثر العتمه
وبالرغم ما حامل معي عكاز
ما قدرت حاجز هالنفس اجتاز
ولقيت نفسي راحت تقلا
كلمه عسى ويارب توصلا
ياريت جيتي قبل ما شاب الزمان
---------------------------------
بقلمي راضي مشيلح