انا من زمان
عايش لوحدي
ما كونتش اعرف
ايه الأمان
ولا الحنان
كنت بصحى
وأما يجي الليل انام
وأما عرفته كرهت نفسي
وكرهت صوره ضي القمر
كنت راسمها بقلب حسي
وكرهت وياها السهر
وحلمت حلم كانه عكسي
وتوهت ف بحر م الاوهام
وعمري ما كونت اتوقع
أمان حلمي دا يبقى حرام
وياما دعيت وانا بصلي
وأقول تكبر ياحلم الليل
ألاقي الدعوه تيجي ضدي
وحلمي نفسه يكسرني
وحلم العمر انا بنيته
وكنت أتمنى يوم يعلى مع الأيام
وجات الموجه من دمعي وهديته
حرمت نفسي حتى النوم
عشان خايف من الاحلام
يا حلم ليه بتديني امل زايف
وتكسر جوه عيني الشوف
وكنت زمان انا شايف
وليه دلوقت خليتني
اشوف مكفوف
وكان قلبي فارس ميدان
يصارح كل افكار النجوم فيا
ولما خاني يوم حلمك
ملاه الخوف
زمان كنت ازرع الاحلام
وتطرحلي سنابل ارض
واجني سجدتي فيها
ويجمعني ف هواها الفرض
وبعد ما بارت الاحلام
وفرط العمر من أيدي كأنه كلام
ونفس الحلم جوايه يسلسلني
ومستني يقيم الحد
بلبل طلعت عثمان
ليست هناك تعليقات:
إرسال تعليق