قلبى البراح......
شراع امل.
والحلم مقسوم......
من الوجع ومن الحنين
نصيين ...../
نصى القريب منى انسلخ
نصى القريب منك حليم
رغم الفراق.
حافظ عهود.
و القلب شاط من الانتظار
قرب يكون شاهد عيان؟!
على المحرقه.......
روح الخلاص متعلقه.
رغم إللى ضاع..
رغم إللى باع.
رغم الضباع.
مستأسده.
تايه صحيح .
لكن متاكده.....
ان الحياة .
وعد ونصيب
وان الجراح رغم القصاص/
بتسيب وجع مابيندمل؟!
والكل رغم الالتفات لحاجات .....كتيره
بينشغل ؟!
عن الطريق.
تايه صحيح؟!
وبرغم كل الأسئلة.
قلبه النبيل طارح ....
سنابل للنهار
والليل جبان.
رافض يفض المهزله.
ويكون رفيق.
رغم....
رغم إللى ضاع
رغم إللى باع
رغم الضباع.
متأكده.
ان إللى جاى طارح صباح
ان إللى جاى معاه جواب .....
لكل الاسئله.
شعر:هانى رخا
ليست هناك تعليقات:
إرسال تعليق