الشاعرة سهير بدران
9 ديسمبر، 2014 ·
كتبت هذه القصيده في فتره كانت تعاني فيها البلاد من عدم الإستقرار
(((((((((((( بلدي )))))))))))))))
لا البلد بلدي
ولا الوطن وطني
وانتي يامصر مش أمي
ولاطينك دا طيني
انا مش نبت أرضك الخضرا
انا زرع شيطاني
أنا قرش براني
انا موجه
أنا هوجه
أنا ريح وجايه تقش
أنا فرعون وجاي بالنعش
مش كل دا اتقال عليا ياأمي
بعد ماكنتي بتحني وبتضمي
بعد ماكانت ضمتك ليا دوايا وترياقي
اوعي يامصر تصدقي أي شيء فيا
أنا ابنك
أنا نبضك
أنا روحك
أنا الدم اللي بجري في عروقك
اوعي يامصر تصدقي أي شيء فيا
أنا متحملش ياغاليه أشوف أي شيء فيكي
وعلشان لساني مهوش مقطوع
طلعت أقول بصوت مسموع
أنا مغلاش عليكي يامصر
لو كان دا آخر نفس ليا
وولادك الغاليين لما سمعوني ضربوني
وبالرصاص الحي حيوني
وبالسيره القذره وصموني
باللي مش فيا
وقالوا عليا ابن سفاح وانا فلاح
طالع من بطنك السمرا
دافعي عني ياحره
أنا ابن أرضك الخضرا
ودافعي أنا ابنك
وابن حلال
وعمر ماكان ولاهيكونلي غيرك أم
ليست هناك تعليقات:
إرسال تعليق