اطرب احساسي وشاطرني السمر
لك تبوح النفس لي بعماقها
غيمة الاحساس وآبلها مطر
ساقها الوجدان والله ساقها
لين اخظرّت وعاودها الثمر
واكتست زهو الجمال اوراقها
عانقيني يا محيلات القدر
نفسي الي مترفه باشواقها
وارسميني بوح في ضي القمر
واجمعيني حلم عند اشراقها
مدني من بوحك الراقي شعر
يستبيح الوجد من ارواقها
لحنّ المعنى وخذني لك وتر
يا خيالً لي برق بافاقها
بوح لي سرن مخبا من دهر
في خفوقٍ نابض ٍ خفّاقها
له مصابيحن بجوفي من درر
في عيونك لامعً برّاقها
اسقني من نضرة عيونك سهر
في كؤوسٍ ادمنت عشاقها
ليتنا ما باعد اخطانا القدر
والمشاعر شمرت عن ساقها
كانت الايام في صفو ونهر
والعيون مكحلات احداقها
كل ما ناضرت بك صوب البحر
ذكرتني بك دوّي ابواقها
لك محبه عشر تقسم في عشر
وانت من بك تقتسم اذواقها
بلغه يا طير بوحي في سطر
سجينةً بالفكر حان اطلاقها
وبلغه ياطير لا يجني عذر
مستنظر شمسً يلوح اشراقها
عصام علي السوادي
ليست هناك تعليقات:
إرسال تعليق