دامت .. لمين ؟!
دام لمين قبلك ..
كرسى الإمارة ..
ياللى واخدها ..
ف الحب شطارة
دام لمين ؟!
دام لمين .. قولى ؟!
نهر الحنين
ياللى ..
لوعت قلبى ..
والدنيا .. غدارة
دامت .. لمين ؟!
دامت لمين ..؟!
ضحكة الدنيا
وفرحة عينيا
وحضن الليالى
الغالية عليا ..
راحت دى فين .. ؟!
دامت لمين .. ؟!
فرحة لقانا ..
لما اتقابلنا ..
وداب هوانا
ف كاس محبة
وعيون سهرانة
بالحب فرحانة
دامت لمين .. ؟!
دامت لمين .. ؟!
همس الأمانى ..
ورقص الثوانى
ع الناى الحزين
ف لحظة فراق
وقلب مشتاق
دموع وفراق
دامت لمين .. ؟!
دامت لمين .. ؟!
ياللى هواك ..
ف يوم نساك
ورد .. الجناين
يابو قلب خاين
قاعد .. بيبكى
فرحة لقانا ..
بين العاشقين
دامت لمين .. ؟!
ليه ... غرك .. ؟!
بيا ... حبك
لما .. حبى ..
كان تحت أمرك
عايزنى اطاوعك
لما هواك ..
يغدر بقلبى ..؟!
يجرى .. وراك
وانت بتلعب بى !!
دامت لمين .. ؟!
ليست هناك تعليقات:
إرسال تعليق