مش فاهم معانيها
ـــــــــــــــــــــــــــــــــــــــــــــــــــ
مش لازم تسكت
فضفض اللي في قلبك
عشان تعيش مرتاح
متشلش هم
اللي شالوه أخدم ايه ؟؟
بص بعينك واحفظ لسانك
علاج الصداع يبدأ بالسكوت
وإن زاد عليك
بمركوب قديم فوق أم راسك واديها
مهو مش نقصاها
إنك تخرس وكمان تصدع
اخترلك واحدة من اتنين
عصر الأنبيا انتهي
وبقينا في عصر الدراويش
كل شيخ وله طريقة
وحتتبع مين فيهم
كل واحد منهم بيقول انا جدع
شاطر قوي في ضرب الودع
والنتيجة الشيخة فلانة والشيخ علان
ملوا الساحة وكل ميدان
أرقي الحبيب وارجعه
وأجوز اللي فاتها الترام
وأرد الغايب وحياة المقام
في ساعات قليلة بالذمة دا كلام
رسمولك سكة ولازم تمشيها
ياتجري ياتحبي وتسف تراب أراضيها
ما أنت اللي اخترت ولازم لازم تجاريها
في الآخر جي تفضفض
من القهرة عمال تتنطط
وتقولي كلام مش فاهم معانيها
ـــــــــــــــــــــــــــــــــــــــــــــــــــــــــــــــــــــــــــــــــــــ
بقلم / محمود مسعود ( عامية ) 8/4/2017م
ليست هناك تعليقات:
إرسال تعليق