رباعيات بالبلدى
*********
زاد العدد ما تكفى صوابع الكف
كتر الكلام فقد كل معنى الحرف
يا باكى وشاكى عيشك كأنة الترف
تغضب تروح روح ما عليك اسف
*******
مش مجرد كلام ورص دباجة
واحلام تعبر عن معنى السذاجة
اتعلم تستغنى تبتكر بالحاجة
ثرثرة صفصفة ابتسام سماجة
******
يا سايق العوج وهى دى الحيلة
ومجلسك قوالة بايخة رزيلة
احساس الهوان ونفس عويلة
معدن صدئ مش من الاصيلة
******
يا شاربة المرار خليكى شاربة
واجرعى نزيدك من العدد قربة
طفح الكيل اتغربى بالغربة
راسك كونى للحيط ضاربة..
**********
الحمد باللسان والفعل قبيح
مرمى على النواصى جريح
بص علية كمان نطق
كان صوتة كما الفحيح
****
بقلم / حاتم صلاح
ليست هناك تعليقات:
إرسال تعليق