شلفة حجر ...بقلم اليان سمعان ابو طوني

مو بعيد بيتك هنيك شلفة حجر
*^*^*^*^*^ بلمحو عاسطوح لو تنشري هالشال

قاعد من خيوطو ارسملك صور
*^*^*^*^*^ وتسكر الريشة لما بتجي بالبال

رسمت الكرز لوحة وشفافك ثمر
*^*^*^*^*^ حروف القصايد قصب بنيتها عرزال

هونيك بيتك شايفة حدود المطر
*^*^*^*^*^ غيمة عطر معها بعتلك مرسال

تغسل بورد الحب وجهك هالقمر
*^*^*^*^*^ ومعهن وشاح وتاج ل عرش الجمال

بعيد هالعشاق شو بيحلى السهر
*^*^*^*^*^ كاس الحرف يسكر ويسكت الموال

اخبز عانور الفجر هالحرف اختمر
*^*^*^*^*^ رغيفي قصيدة ويبقى حكي بالبال

ياحلوتي بهالعيد شو بيحلى السمر
*^*^*^*^*^ عيونك وكاس نبيت مافي حكي ينقال

عزمتك عاعيد الحب ماوصلك خبر
*^*^*^*^*^ ان ماقدرتي تجي طيري هالشال

.....................................................................

صباحكم سهرة على ضوء القمر
صباح العشق للعشاق
صباحكم حب
كل عام
وانتم
بالف
خير