ياوطن ياكبير ...بقلم اليان سمعان ...

بزحف انا وهالليل حتى يطل نهار
***=-0-=*** يمكن كرهني السهر وتعبت قلامي

يطل الصبح بكير ومشتت الافكار
***=-0-=*** وغربة وتعب وفراق زود بالامي

حزنان قلبي بالبلد شو صار
***=-0-=*** مافي خبر مفرح يبدد ل اوهامي

تعبنا يارب كتير طول فجر نوار
***=-0-=*** بدي الشمس تطلع عاعتم احلامي

ياوطن مجروح والله القلب محتار
***=-0-=*** معقول نوعى دوم عافجر دامي

يارب دخلك حاج وقف الاعصار
***=-0-=*** خلي الفرح يرجع يرسم بالهامي

يافجر طلطل ماعاد منها كار
***=-0-=*** معقول ذكرى يصير اسمك السامي

ياوطن انت كبير راح تنقشع الغبار
***=-0-=*** ويزهر من جديد ياسمينك الشامي
.......................................................................
بقلمي ::: الشاعر السوري المهجري ... اليان سمعان ...