أنا شاعر
حرفتي الكلام
شاطر في الترجمة
لكل أحاسيس الناس
بعرف لغة العيون
الحب أجيبه منين مايكون
بكشفه في السهاد
في الأرق
زى ساحر
أول مايقول هيلا هوب
العاشق بكلامه يطب
تلاقيه تايه
دايما سرحان
يردد اسم حبيبه
ولا هوش دريان
وصفوله طبيب الهوي
جالي
وهو مش داري
إني كمان تعبااااان
بدور علي معني
جملة أو كلمة
أوصف بيها الحاااال
قالي يا طبيب الغرام
أوصفلي الدوا
قلتله دواك عندي محااال
أنا بوصف الحب
واختصاصي في القلب
بالكلاااااااام
لو كلامي يطببك
أو لحلتك يخففك
شيل منه قد ماتقدر
مه الكلام كتيييييير
في النهاية دي صنعتي
ولا باخد أجرتي
غير رضي المحبين
ـــــــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود ( شعر عامي )
ليست هناك تعليقات:
إرسال تعليق