(خواطر بعنوان(خلاص
بقلم عرفات الامير
٩/٤/٢٠١٧/الأحد
يامصر خلاص زاد الجرح
والعيد خلاص سابه الفرح
يامصر ولادك موجوعين
تعبانين مستكترة عليهم الفرح
حتي الضلة مستكتراها وسايباهم ف عز الشمس
يامصر خلاص زاد الجرح
والعيد خلاص سابه الفرح
لينا كتير مافرحناش
ماروحناش ماارتحناش
يامصر خلاص كرهنا العيشة
يامصر خلاص ليه مستكترين العيش والملح
يامصر خلاص زاد الجرح
بقينا خلاص زي الريشة
بتطيرنا رياح الغلب
بنسكت من كلمة مدح
يامصريين زاد الجرح
والعيد خلاص ساب الفرح
مابقتش عارف انتي بلدي
ولا متبنياني شفقة
ومابقتش فارقة تجمعينا
ولا تغلي علينا الفرحة وتبكي عنينا
مابقتش فارقة نعيش فيكي
ولا تاخدنا رياح الغربة
بتدبحينا بس سمي
قبل ماتنوي تدبحينا
طبطبي قبل ماتنوي تسلخينا
ولا هو خسارة فينا
ان انتي تكبري قبل ما تجرحينا
يامصرين خلاص زاد الجرح
والعيد خلاص سابه الفرح
ليست هناك تعليقات:
إرسال تعليق