قصيدة بعنوان ...لمة خلان ... أهديها لإبن زوجي ...أسامة وليد الأصفر ... وعروسه أيلة الحمورة ...بمناسبة الزفاف ...المصادف اليوم... 23/12/2016 ... فألف مبرووووووك وبالرفاه والبنين ...
............................
الليلة فرحتنا الليلة والفرح بان ...
واجتمعت كل العيلة صبايا وشبان ...
بدنا نرقص ونغني ونعزف ألحان ...
بهالصالة ونخلي الفرح عمران ...
عريسنا أسامة زين الشباب ...
الليلة بأحلى زينة واقف عالباب ...
والقمر لما شافو من حسنو غاب ...
وراح بهالليلة تخبا وفضل الغياب ...
...................
وأيلة يا أحلى وردة بهالمعمورة ...
صورها ربي العالي بأحلى صورة ...
عم تضحك شو فرحانة وشو مسرورة ...
والصبايا من حولا تهز خصورا ...
ومين متلن بهالليلة مين متلن مين ..
أسامة وأيلة الحلوة ست الحلوين ...
بفرحتهم عم يضحك زهر الياسمين ...
والصالة عم تضوي بأحلى الأنوار ...
.......................
والناس كلا من حولن أهل وخلان ...
مجتمعين بهالصالة والكل فرحان ...
ويا ربي ليل الفرح يبقى عمران ...
ونفرش هالأرض كلا بورق الريحان ...
ونسهر أحلى سهرية وتضحك الخدود ...
ويصدح نغم الغنية على وتر العود ...
والصبايا تتمايل متل الورود ...
على صوت الموسيقى وبالرقص تجود ...
............................
ملك الأصفر
ليست هناك تعليقات:
إرسال تعليق