بدون عنوان بقلم عوني هشام

بدون عنوان
======= عونى هشام
طلقة رصاص
فيها الخلاص
طب فين خلاص
حقنا
بالامس  ليبيا والعراق
والنفاق
ليه ملازم دمنا
واليوم فى سوريا
جرج نازف
مين يداوى جرحنا
وبكرا جاى الدور لمين
احنا مين
شايف مرار
عمال يكسر عزمنا
راح العرب
كل همه يشوف طرب
ما يهمه عاش
ما يهمه مات
بس يهمه
انه يهز فى وسطنا
الفقر فينا خدله باع
والكل باع
ده باع فى ارضه
 والتانى تاجر عرضنا
والقدس راحت واستراحت
واليهودى اليوم نقوله
 يا عمنا
اما حماس فيها الحماس
اخوان لداعش
والطاغوت
نازله تخرب ارضنا
طب واحنا فين وبقينا فين
ماشيين بناكل بعضنا
ارهاب فى سينا
ارهاب فى ليبيا
قتل فى سوريا
والكل ناسى عدونا
معقوله  يبقى مننا
لا مستحيل
ولا دمه يبقى دمنا
مصيبه تاخده او تشيله
المهم
 يبعد عننا
معقوله يبعد
وهو ناوى غدرنا
حرام يا امة العرب
كفايه نوم صابكم جرب
كله ملهى يحك جلده
والاراده بتتسلب
اياك تقول انك بعيد
الجرح صاب الامه
والبتر اكيد
لو كل واحد قال انا
بس انا
ساعتها ع الامه السلام
وخساره اقول اى كلام
ياما قلنا وياما شفنا
واحنا فى طناش
ولا اى حاجه تهمنا
احنا مين
احنا عرب ؟ دا كان زمان
واللى كان
صعب انه يرجع عندنا
=============
عونى هشام