ولامتي يا شوق بقلم الشاعر المصري أحمد عفيفي

(**ولإمـتـى يـاشــــــوق ؟!**)
****************
الشاعر:احمد عفيفى
***************
مش قادر اكـتـم شغـف الروح

ولا قـادر أخضـع: لـلمـمـنــوح

وهواكى بيـنغُـز قلبى..وقلبى

-يـاشـــوق- هَـامِـد..مجــروح

والضوء ف عيونك غشّى عيـو

نى..ونفـسى , ونفسى أبـوح

***
الشوق دوِّبنى بجدّ..-ياشـوق-

والقلب - مشحـتـف - ع الآخـر

وغلُبت أهـاتى واقـول مـواويـل

ولماكـى فايـتـنـى..ومتّـااااخـر

ولامتى استنى.وامتى ح انول

من عينك ضحكه..بها اتفـاخـر؟

***
نفسى تميلـى لـقلـب شغـوف

وتقولى ان احنـا كُبـار ع الخوف

لو قرّبتى الشوف.ح تلاقى عُيو

نِـك ساكنه حنينى بطول لياليه

وتشوفى ازاى العشـق غـوانى

وصعب عـليّـه.-ياشوق-,أداريـه

***
ليه الخوف مخـاويكى -ياشـوق-

مع انِّـك أجمل أنثى ف جـيـلِـك

عاوز احكيلِك عن شـئ أدهشـ

نى حـقـيـقـى..كـمـا الـفـزوره

شـئ متـدارى ف نـن عـنيـكى

ياغاليـه ومش بايـن ف الصوره

****
ف عنيكى حكاوى ونور بيلالى

وقلبى مغاره ومستنى قناديلِك

إدّينى أمان..أو أىّ أماره تشجّع

روحى عشان م اتطّهرّ..وأجيلِك

أو قولى تعالى..وشوفى ايـديّـه

ازاى راح تـسـبـق..وتـشـيــلِـك!!

*******************
من ديوانى=ح تـصـــدقـى؟=