كلمة وعايز أقولها
كلمة ليكي أنت وبس
كلمة تلخص كل الحس
مش معنة إني بخاف عليك
أو بغير م النسمة تأذيك
أبقي خلاص إنسان متخلف
مش ماشي ويا الموجة
أو عاوز أرجع سيدي السيد
لا والله إحنا بقينا في زمن الفتنة
واللي ما يحمي بيته وعرضه
يبقي لا مؤاخذة ديوس
وعلي أي كرامة حيدوس
ويا أهلا بالماضي إن كان
حيعيش العمر متعوس
وبقولك ياللي انت مراتي
ومن قبلك أمي وأختي
ودلوقتي بقولك يابنتي
الفتنة بقت محوطانا
كل خطوة بنمشيها
أي كلمة بعفوية نقولها
في شياطين مستنياها
وعشان كده بقول
خليكي دايما علي طول
زى السيف في حركاتك
كلامك يكون مظبوط
مع الكل تبقي تصرفاتك
واصبري
طلباتك عند ربك
مستنياك
بس أوعي تضعفي
وتلبي رغباتك
بقول للآباء خلي بالكم
من شرود الأبناء
تحت وهم الحرية
دي والله وكسة
أخرتها نكسة
ربي يبعد البلية
خلي بالكم من ورد الجناين
راعوهم اتكلموا معاهم
خلوا الحوار دايما مفتوح
هاتوا طبلية اتلموا حواليها
رجعوا لبيوتنا ياناس الروح
اللي غابت من سنين
ابن مشغول ع الفيس
أو بيدور علي تنفيس
بنت مهمومة بالتابلت
وقعت في الفخ وحبت
أم جوه المطبخ مطحونة
أو جوه البيت دايما مشغولة
ما تعرف ايه بيدور
وعشان كده أنا دايما أقول
رجعوا أيام زمان
الدفا اللي غاب رجعوه
الحب اللي بينا وزعوه
بالعدل بين الكل ...!!
ــــــــــــــــــــــــــــــــــــــــــــــ
بقلمي / محمود مسعود ( شعر عامي ) 23/2/2016م
ليست هناك تعليقات:
إرسال تعليق