علشان فاكر ...‏عادل_عوف‬

علشان فاكر
انك حق متاكل
وأنك فرعها المايل
تملي تقولي مش قايل
وتحكي سكوت
وتكسفها
وتتمادا فتصنيفها
وتوصيفها
على الملاء بتبوت
مين كان قالك أعشقها
واتعلق بأحشائها
لسة الأم بغشائها و بنت بنوت
ولادها هم أولابها
زرع و فاض يالبلبها
فتلقاهم على بابها
دهب ويقوت
مصر حبيبتي من خيرها
بحب الصبح تبخيرها
وتدعيلي ماليش غيرها
وفيها بموت
يا مهرة جموحها يحلالي
انا العاشق و ده حالي
يا واصلة كل اوصالي
كافيا سكوت
مين يكره ياناس أمه
وعنها في يوم هيستغنا
تشدك حضن وتضمه
ف تتعالى وتستغبا
وتلعن حضنها الدافى
تملي تقولى مش كافى
اشيلك هم و كتافي
مدن وبيوت

‫#‏عادل_عوف‬