مدي إيدك خدي بإيدي
انتي شرياني ووريدي
نعيش أيامنا سوا
ويبقي دايوم عيدي
....
مدي ايدك حسي بيا
انتي قلبي ونور عنيا
نظرة منك هتواسيني
تسحب القوة اللي فيا
....
مدي ايدك ياحب غالي
لما عرفتك باسهر ليالي
اناجي طيفك المح
خيالك يحضن خيالي
....
مدي ايدك .
.
مدي ايدك واحضنيني
هتحسي بحبي وحنيني
وشوقي ليكي فاض ياقلبي
دانتي محبوبةسنيني
....
مدي ايدك قبل ما يفوت الاوان
دا العمر بيمر في ثوان
ولحظة حلوة ماتتعوض
ناخد من بعض الحنان
.....
مدي ايدك قبل ما تروح منا الحياه
انتي ليا دنيتي وطوق النجاه
هافضل أحبك بعنفوان
يا تاج مكانه فوق الجباه
....
مد ي أيدك دا انتي روحي وحتة مني
طول عمري شايلك في العيون والنني
ولو طال مابينا فراق
عمري في يوم ماهيخيب ظني
.....
مدي ايدك وصافحيني بأحلي سلام
دا نظرة عينك قتلتني بأحلي سهام
وهيفضل رسول الحب
مابينـــــــــــــــــــــــا مدي الأيام
.....
مدي ايدك يابنت الناس
بعد الثواني والانفاس
ليوم شوفتك الغالية
وساعتها يكون قلبي ملان احساس
....
مدي ايدك عشان اغنيلك اغنية
وحبيني بلاش تبقي انانية
انا من غيرك يا محبوبتي
انا المجهول بلا هوية
.....
مدي ايدك دا انتي بتعملي انعاش
بحبك ولو سمعتيها تقولي بكاش
فعشان كده بقولك
مدي أيدك يا اما بلاش ...
فمدي ايدك
...
بقلمي
مهندس احمد عبد الله والي
ليست هناك تعليقات:
إرسال تعليق