*** بسمته سكر
--------------
* من غيرك ماتسوي الدنيا
لا يوم ولا لحظه ولا ثـانيه
انتي النـور لروحـي وعنيه
والدنيا معاكي حاجه تـانيه
*أحلي بسمه في الدنيا ديه
بسمة حبيبتي ونـور عنيـه
لما تضحك شمسي تشرق
وكـل شـئ بـيهـون عـليـه
*بسمه تسعِـد اللي يشـوفها
بسمه بتظهـر سحـر جمالها
شوف غمازاتها علي خدودها
بتقـول انا الـورده الجـوريـه
*البسمه تكفي عن كلامها
تنـور عنيها وتـزيـد جمالها
وروحي دايبه ارحمي حالها
يا وردة فـي القـلـب نَـديَّـه
*الضحكه حلوه والبسمه سكر
والفـم فُـلـه وعبيـره عنبـر
علي جمالهـا والله مااقـدر
بالراحه علي قلبي شـويه
*بسمه علي شفايفها مرمر
والشَعـر بيلاغيها الأسمر
بتـرن في القلـب وتـأسِـر
رحت قتيل وماليشي ديه
*القلب يفـرح لما تجينـي
وهمس الشفايف بيناديني
والبسمه حلوه وبتلاغيني
بسمتهـا ليـه أغلي هـديه
-------[مبروك البنا]-------
ليست هناك تعليقات:
إرسال تعليق