وحشاني يامه
...................
ست الحبايب يامه
...................
ست الحبايب يامه
والله وحشتينى
اشتقت لحضنك والضمة
لما بتشوفينى
دا انا عزي يامه كان ف اللمه
لما بتجيني
فين دعوتك ليا ياامي
لمابكون نازل
كانت بتمحى قوام همي
وتحوش النوازل
لو جاتني يامه ف يوم ضيقة
ايدك محاوطاني
مطبطبة عليا صديقة
دايما ملازماني
روحك ف روحى ماتفارقوا
ولا سابتني يوم
لكن قضى ربي تفارقوا
والقضا محتوم
وبدعي يامه ف كل صلاتي
ولابويا كمان
ف كل ساعة ويوماتي
يرحمكم الرحمان
اطيب قلوب يابه حاستكم
فعلا طيبين
ومعادنا نتلاقي وأ شوفكم
ف يوم الدين
اليوم ٢٠١٦/١٠/٢٨ الشاعر محمد الشاذلى
ليست هناك تعليقات:
إرسال تعليق