يا حياة بقلم الشاعر علاء زايد

يا حياه
...................
يعني وبعدين
وياك يا زمان
وبعدهالك بقا
يا حياه
ضاع فيكي عمرنا
سنه ورا سنه
مفيش واحد
فيكي
مرتاح
وبقينا كلنا
بنقابل بعضنا
ذي الاغراب
من كتر الهموم
الي ف قلوب الناس
شعر العيال شاب
وصبح الكلام بحساب
ودبلت خدود
الصبايا الملاح
وهربوا الطيور
وهجروا العشوش
في الصباح
من صوت السلاح

يعني وبعدين
وياك يا زمان
وبعدهالك
بقا يا حياه
ما احناش فهمينك لا
لكن عارفينك
ما بترسيش
علي حال
والبخت في سكك تاه
دورنا عليه
ما لقيناش
غير شقي
واهات
وجراح
وكمل علينا الزمان
وبكت عنينا
كل ليله الايام
فينا
الي شبع نهنها
من كتر الالام
فينا الي
صبره انتهي
والدموع
علموا
في خدوده
علامات

و الي
بيداري احزانه
بالسكات
مع انه حلو الكلام
وجميل اللسان

يعني وبعدين
وياكي يا حياه
وبعدهالك بقا
يا زمان
الحلم الي حلمناه
ايام زمان

نعيش
في امان الله
مرتاحين البال
اصحاب واخوات
اهل واحباب
ما يفرقش
ما بينا
عناد ولامال
واتبدل بينا الحال
لا ارتاحنا
ولافرحنا
ولا دوقنا الحنان
من زمان
وفردت قلوعها
علينا الحياه
وخدتنا
في مهب الرياح
يمين شمال

وياه ع الدنيا ياه
وياه ع الغلبان
الي اتقفلت في
وشه البيبان

.......................
علاء زايد
من ديواني
موثقه