شوكة الزمان
الزمان
يدور بنا
واحنا دايرين به
شي الزمان عاطيه
شي قالب عليه
شي داك شوكتو فيه
لاخرمعول على والديه
ديما مدبرين عليه
شي معتامد عل درعيه
يطلب ربي يسهل عليه
فلان من التيساع حاضيه
راد معاه لبال ليتلف ليه
مامخليه
بارك حاضيه
يا فلان خليه
راه يكفيه
غير الزمان لهو فيه
يتقاتل باش يغلب عليه
وهو داك شوكتو فيه
مسكين مابقى فيه
يكول نرأف بيه
ديما حاكر عليه
الضربة ديما جايةفيه
ماكاين لمدرك عليه
مشاو والديه
لكانو مرفدين عليه
بقا غير ليعض فيه
كلشي معاون عليه
غير ربي ليحن فيه
مطاكي الزمان والزمان مطاكيه
داك شوكتوفيه
وشلا ماداير فيه
وهو صابر على لبيه
يطلب ربي يفاجيها عليه
ويسل شوكة الزمان لمدكوكة فيه
راه تقهر من داك شي لفيه
ولاكن شكون يخليه
كلشي حاضيه
غيرهو للدنيا عطات ليه
واقيلا ميمتو راضية عليه
وديها فراسك ؤ بعد عليه
راه محاس بالمزود غير لمخبوط بيه
الزمان مكاليه
والشمايت يضحكو عليه
وهو عارف اش طري بيه
حاس بالزمان داك شوكتو فيه
مهرسها فيه
وليني دابا ربي يعفو عليه
حسن الزايري
ليست هناك تعليقات:
إرسال تعليق