أتفاجئت من وكتي باليأس النسيتــه
وبخنكَانــــي ابهمه ليلعثم
عبرتي
تهت من آمالي وأحـــلامي تلاشـــت
وابد ما حنت على شفافي
بسمتي
ضعت بالدنيـــه وتناسـيت المشـــاعر
وانتهى اشبلذات ليوصف
صفنتي
اغروب كل الوكت ضيعلـــــي ضـــوانه
وبعد هذا اغروبنه تلفي
ظلمتي
اشما انشوف اغلاط نتحسس نهايـه
والنشد ينعاد يا روحي
اشفهمتي؟
أنه بيه اجروح كَلي اشـــلون اوصـــل
امسددات أدروبي وأنكَطعت
حرثتي
غمها دنيانه فلا ظل الهـــــا صــاحب
دومج اتخونين يلكَلتي
أوعدتي ؟؟
هذا ديدانج . لأن سموج دنيــــــــــه
أشلون أأمن بيج يلبيه
زلكَتي
جنتي مهره اتسابكَـ الريح بركضـــها
ابغفله من ظهرج طحت
وأنتي العبرتي
يلكحيله شنهي ها لكبوه أللفتنـه؟؟
ليش من شفتي المطب ليه
ما صهلتي
_________________________
الشاعر / ابو محمد الجابري
________________
ليست هناك تعليقات:
إرسال تعليق