الشعر قلته...بقلم فهد القضاع المطيري

قالو الشعر قلت الشعر فهد جايبه
بالغزل ان بغيته ولى بالحرب قايله

بالجروح قلته وبالفرح ماني هايبه
بالمعاني جبته وقافه ماهي عايله

بخلي نثرته وبالحزن عليه صايبه
لشام لحنته ولاني عن الشام شايله

ذكرت به مئاسيه وذكرت به مصايبه
من حوران لحلب واللي صاربعوايله

ومريت بشعري على المخيم وغرايبه
وصفت معاناته وذكرت كل هوايله

وجبتهن بجور الزمان علينا ونوايبه
هذا شعرنا وشعرنا نجيب اصايله

الشعر قاله ولدنا وقاله بعد شايبه
قلنا الشعر يارعيه والخيل صايله

قلناه يوم غيرنا بالديد يشرب رايبه
جبناأبياتهن ولرقاب القوافي غايله

مبناها من ساسها وما هي عايبه
جت بدربها وعن دربهاماهي مايله

حنا من فضل الكريم تجينا طايبه
وغيرنا يصول ويجول وترجع حايله

ماهي كل ابيات نقول عنها خايبه
ومنها بلا معنى ونقول عنها هايله

الشعر يهابنا مثل اعدانا لنا هايبه
يجي لنا طوعً مثل سحايبً سايله

يجينا بالعلم ويجيب لنا علمً غايبه
اعلومها بالطيب وبالطيب طايله

ما هي بالردا ولا هي بالردا ذايبه
علومها علوم الرجال ومنهن نايله

مثل راعيها هي من الذنوب تايبه
مشغلها راعيهاوهي بالفكر جايله

كل ماشرد منها بيت جبنا نجايبه
نكيله ونازنه ولى نتركه في مكايله

الشعر كاسبينه وأخذين كسايبه
وانتقينا لنفوسنا من بيوته جزايله

أخذنا روسهاوخلينا لغيرنا ذنايبه
مثل من رعت مغاتيره أول مخايله

وليا جاء ذكر ربعي أعتلي رقايبه
واجيبهن بطيبهم جيب اول رسايله

ثم اهلن هل المطر من سحايبه
وارتقي بفعلهم شم الجبال الطايله

نصفهن بهم صف الجيوش لكتايبه
وننتقي زين بيوتهن ونترك رذايله

مثل نقوة الدويش للفريس بحرايبه
يصولون بأمره عن اليمين وشمايله

ويحظرن يوم يجي ذكرهم وهبايبه
ويدقن التحية لأخو جوزا وفعايله

الدويش اللي بعداه كثيرةً عطايبه
ذرامطير يوم الزمان عليهم جهايله

اللي بفعله بالعراق لليوم نحايبه
تذكره بغداد وتذكره لندن وتخايله

والسيف يشهد اللي بقطر نصايبه
الهارف اللي اليوم نتغنى بجمايله

بقلم فهد القضاع المطيري