اااااااااه
يا إمّي
تعبنا
يا إمّي
تعبنا
و تعبت حارتنا والجار
والحارة تعبت و المختار
السقوف
و حيطان الدار
و النافورة
و النارنجي بارض الديار
والوردات اللي كانوا
دبلوا وماتوا
من أول هاك المشوار
مو بدن حنيي وميي
وبدن شمس
وين الشمس
اتغطت من كتر النار
لفتها بواري الدخني
و غطاها ضيم الإعصار
و المودة صارت حسرة
قولي يا بيي الحسرة
حسرة علينا
تعبنا
و طال المشوار
تعبنا
و بعد المشوار
تعبنا
و تعب المشوار
بقلمي
د.مالك الحزين الرفاعي
ليست هناك تعليقات:
إرسال تعليق