جامعة هوى الشام للشعر والأدب

ملك الأصفر

قصيدة زجل عامي
بعنوان بلدي
............................

بلدي يا بلد النور ونسور تحميك
رح نرفع الرايات باراضيك
فيك الهوى والمي والحب يزهيك
يزين سماهالكون والنور يعطيك
رح ازرعك وردة وبسياج احميك
ورح اودعك بالقلب والدم يرويك
ولما يجن الليل بهالروح بغطيك
وابقا انا والليل حراس ع بوابك

داري يا دار العز طاب الهوى فيك
عنك ما رح نبعد و الرب حاميك
هون الوفا و الحب وسرورنا فيك
رح زينك بالورد و الروح اهديك
رح علي حيطانك و علق على بوابك
نجوم وشموع وضو تضوي لياليك
واسجد لربي هون يلي خلق هالكون
يبقيك النا دوم ويحمي الحمى فيك
الكسوة يا قطعة سما ومرصعة بالماس
فيك الهوى و الحب متل الخمر بالكاس
فيك الصبايا الحور بقدها المياس
تمشي وتتمايل صورة لاحلى ناس
ترابك يا تبر و دهب يبرق متل لنحاس
يلمع بنور الشمس و حجار من الماس
وجبال حلوة كتير مرفوعة فوق الراس
ورايات بالعالي توقف متل حراس
فيك ورد وفل ومنتور وقمر
يضوي على تلالك ويحلي السهر
وانغام حلوة ترن على عود الوتر
ترقص صبايا الحي و يجن السهر
ويارب يا عالم باسرار البشر
ينزل علينا الغيث و يزخ المطر
ونركب مراكب نور و يشيع الخبر
وينده علي لعثمان و حسين لعمر
............................................
د . ملك محمود الأصفر