(ارض جدي )
يا ارض جدي
ليه بديتي تفرقي
بين الخوات
ليه لخويا بتطرحي
وانا اللي زرعي فيكي مات
ليه له بتروي
وانا اللي زرعي
بيبكي من اثر الجفاف
طاب مره حدي
أصل ابنك ابتدى
منك يخاف
ومدي عندي
شريان حياه
ينجي نبته من الافات
ولا انت نبعك يحي واحد
والتاني عايش للممات
مع ان انا اللي شلت طينك
في وقت ضعفك
كنت بعينك
خضرت ارضك
ولا مره فكرت اني اهينك
عشان انت عرضي
وشلت هم ف ليل سنينك
طولك وعرضك
وف النهايه مش راضيه ترضي
وبتجبريني على السكّات
لا اسمعيني يا ارض جدي
وقولي مالك ايه غيرك
ولا أبويه ورث اخويه
خد حقي فيكي ولا عبرك
طاب فين شقايه
قوليلي قبل ما اخسرك
ودي النهايه قولت اللي عندي
يلي انت اسمك ارض جدي
بلبل طلعت عثمان
ليست هناك تعليقات:
إرسال تعليق