الشاعرة سهير بدران
2017...7...11
((((((سنين طوال)))))
لساكي برضه طيبه وقريبه ومابتتعلميش
لساكي عرضه للزمن وللمحن عطشانه صابره والمفروض عليك تضحكي وماتتألميش
لساكي برضه نبع الحنان والآمان ومن غيرك إنتي مايعرف يعيش
لساكي عود اخضر ولا من الزمن جف وشاب أبدا ماعاد عود اخضر ولا عاد شباب
لساكي بتحكي لنجوم السما علي لوعتك وعلي قهرتك وتبكي عليكي لما تسمع شكوتك
لساكي قمرا منوره الليالي ولاقافله علي نفسك بميت مفتاح ومليون كالون
لساه برضه فاكرك,برضه عايزك.برضه شايفك نجم الليالي ولا خلاص نسيكي
لساه حزين ولا فرحان ولا مكنتيش أصلا في الحسبان ولا في الفكره والزمان
ومن زمن بعده زمان حب وعاش عمره وحياته
كأنك ما كنتي ولا إتعرفتي ولا إتسمعلك مره كلام
عايزه ياحلوه تتاكدي وتأكدي
إنك عمرك ماكنتي بره الزمن ,بره الحكاوي ,بره الليالي,بره المحبه والحنين
أصل ياحلوه عمرك الغالي يضيع هدر ولا من سمع ولا من شاف حتي الحجر
أصل القساوه لما بتتعرف بتوفر علينا وعلي عمرنا سنين طوال
ليست هناك تعليقات:
إرسال تعليق