(( نوح الفخاتي )) شعر شعبي عراقي ( بقلمي )
......................................................
مثل نوح الفخاتي تنوح هاي الروح
يانوح الفخاتي يسل
ملوها الاهل والربع والجيران
ومل حتى الدمع يتعاجز من يهل
مدري منين اجينا ومدري وين نروح
تيهنا الدرب وجدامنا تهرول
ضيعنا الفجر والليل يتلا ليل اطلم
لاقمر لانجمه بيه تهل
لاشمس الضحى تضحك بسد نخلات
لاحضنة دفو مرجيه من الخل
اسف هذا العراقي هذا ابو الكلفات
اسف تالي الاسد بذرى الضبع يختل
معارك ع الكراسي ومحد يهم بي
كلها ابمحنته اتسوم وتبدل
شي تجمع اموال ابصاية الايتام
شي تبني عرشها والاساس الذل
شي باعت كذب وتكذّب اعله الناس
وتزوق كذبها بوعد متأجل
شي وقت السلم عنتر زمانه يصير
وبساعة الشدة ينهزم يختل
شي مدري اشتريد وماتدري هي شبريد
تبدي وتنتهي ماتنعرف بالظل
اذن كافي صمت صار الوحل للراس
لابد ننتفض ونثور ونبدل
لاسنه ولاشيغه ولاعرب واكراد
نسب اشور كلنا وبابل انسجل
وشوف شلون لابد يستدار الكون
وعلى كفوف العراق نجومه اتنتزل
وغيوم الفرح تمطر علينا بخير
وطيور السعد ببيوتنا اتجلجل
......................................................
مثل نوح الفخاتي تنوح هاي الروح
يانوح الفخاتي يسل
ملوها الاهل والربع والجيران
ومل حتى الدمع يتعاجز من يهل
مدري منين اجينا ومدري وين نروح
تيهنا الدرب وجدامنا تهرول
ضيعنا الفجر والليل يتلا ليل اطلم
لاقمر لانجمه بيه تهل
لاشمس الضحى تضحك بسد نخلات
لاحضنة دفو مرجيه من الخل
اسف هذا العراقي هذا ابو الكلفات
اسف تالي الاسد بذرى الضبع يختل
معارك ع الكراسي ومحد يهم بي
كلها ابمحنته اتسوم وتبدل
شي تجمع اموال ابصاية الايتام
شي تبني عرشها والاساس الذل
شي باعت كذب وتكذّب اعله الناس
وتزوق كذبها بوعد متأجل
شي وقت السلم عنتر زمانه يصير
وبساعة الشدة ينهزم يختل
شي مدري اشتريد وماتدري هي شبريد
تبدي وتنتهي ماتنعرف بالظل
اذن كافي صمت صار الوحل للراس
لابد ننتفض ونثور ونبدل
لاسنه ولاشيغه ولاعرب واكراد
نسب اشور كلنا وبابل انسجل
وشوف شلون لابد يستدار الكون
وعلى كفوف العراق نجومه اتنتزل
وغيوم الفرح تمطر علينا بخير
وطيور السعد ببيوتنا اتجلجل
ليست هناك تعليقات:
إرسال تعليق