اشتقت لبيت جدي لبيت اهلي اشتقت لريحه التنور
اشتقت للعريشه المحموله الوان وطني
اشتقت للبساتين للطرقات لضو القمر
بدي حاكي البحر والنهر والوديان
بدي قطف تفاح عن الشجر
وين راحو الحكايات
وصوت ستي من ورا الغربال
الله شو اشتقت لصوت الاذان واجراس الكنائس
ولعمي المختار
لصلنفه للزبداني لبلودان
لدمر والهامه للنواعير وخرير المي بالسبع بحرات
للاهل لضمه الاولاد
للادقيه واهلها الاحباب والاصحاب
لجبلها وبساتين الريحان
للمرجوحه وضحكات الاعياد
للمعمول وقرص بعجوه للجيران
لمحبتنا
ااااوف يابيت جدي اديش لعبنا وكام مره عيدنا
وشو حكينا منك حكايات
صوت المدرسه وعصا المعلمات
طابور الصبح
ونشيد الوطن
وكتير قصص وحكايات
كيف تفرقنا ومين قصف بيت جدي
مين حرمني امي
مين قتل اخوي
مين اغتال اختي
مين مزق ارضي
وينه اللي حرق هالغابات
مين قطع المرجوحه اللي معلقه يقلبي
كل هاد صار لانكم غرتو منا من محبتنا من الالفه اللي بقلوبنا
من امنا وآمانا من ريحه التنور
من شجره الليمون
من الخضرا المعشسه على جدران بيوتنا
من الدفى واللمه الحلوه
حبيتو تفرقونا وتقتلو البسمه والضحكه
بس مابيطلعلكم شو ماعملتو
رح نضل شوكه بعيونكم
وقرب اليوم اللي حتكونو برا ونتجمع
كلنا واسمع ضحكه الاولاد واللعب بالجيران
والحجه وصوت الاركيله عم ترقص على شط الميات
وحيرجع بيت جدي
وارجع اسمع الحكايات
كان في بنت وولد حبو بعضهم كتير
كان اسمه هلال وصليب
وتزوجو وعاشو وخلفو صبيان وبنات
بقلمي منى الصوفي
اشتقت للعريشه المحموله الوان وطني
اشتقت للبساتين للطرقات لضو القمر
بدي حاكي البحر والنهر والوديان
بدي قطف تفاح عن الشجر
وين راحو الحكايات
وصوت ستي من ورا الغربال
الله شو اشتقت لصوت الاذان واجراس الكنائس
ولعمي المختار
لصلنفه للزبداني لبلودان
لدمر والهامه للنواعير وخرير المي بالسبع بحرات
للاهل لضمه الاولاد
للادقيه واهلها الاحباب والاصحاب
لجبلها وبساتين الريحان
للمرجوحه وضحكات الاعياد
للمعمول وقرص بعجوه للجيران
لمحبتنا
ااااوف يابيت جدي اديش لعبنا وكام مره عيدنا
وشو حكينا منك حكايات
صوت المدرسه وعصا المعلمات
طابور الصبح
ونشيد الوطن
وكتير قصص وحكايات
كيف تفرقنا ومين قصف بيت جدي
مين حرمني امي
مين قتل اخوي
مين اغتال اختي
مين مزق ارضي
وينه اللي حرق هالغابات
مين قطع المرجوحه اللي معلقه يقلبي
كل هاد صار لانكم غرتو منا من محبتنا من الالفه اللي بقلوبنا
من امنا وآمانا من ريحه التنور
من شجره الليمون
من الخضرا المعشسه على جدران بيوتنا
من الدفى واللمه الحلوه
حبيتو تفرقونا وتقتلو البسمه والضحكه
بس مابيطلعلكم شو ماعملتو
رح نضل شوكه بعيونكم
وقرب اليوم اللي حتكونو برا ونتجمع
كلنا واسمع ضحكه الاولاد واللعب بالجيران
والحجه وصوت الاركيله عم ترقص على شط الميات
وحيرجع بيت جدي
وارجع اسمع الحكايات
كان في بنت وولد حبو بعضهم كتير
كان اسمه هلال وصليب
وتزوجو وعاشو وخلفو صبيان وبنات
بقلمي منى الصوفي
ليست هناك تعليقات:
إرسال تعليق