(( كانت أيام ولا بالأحلام ))بقلمي / خوله ياسين

آه عليك يا زمان شو حلوة هديك الإيام
جار يجمع خيرو من صبر وتين ورمان
وجار يقطف من جنينتو أجمل فل وريحان
والبنات شو مربيات عفة وطهر ياسلام
والأخوة قلب واحد ما بيتعادوا ولا بالأحلام
ودارت الأعوام والدنيا لبست ثوب الجنان
والناس تنباع مثل السلع كلو يتقدر بالأثمان
الله عليك يا عصرنا شو صرت كلك أوهام
الواحد يشاور عالثاني وسجلي يا ها الأقلام
وسجل يا تاريخ وعبي الكتب بالدمع والأحزان
والضرب عالرقاب شغال وتسقط الأوطان
حتى الحكي أصبح بكي وتقيد اللسان بالجام
والعمر يجري والوقت يسري أتعب الأقدام
ساد الحسد وراح الحق بلا ضمان ولا أمان
والذيب صار حبيب والوجوه ملونه مثل الثعبان
آه عليك يا زمن شو كانت حلوة هديك الأيام

بقلمي ........... / خوله ياسين
17.12.2015