بألف وصـفة أنيقه....... بقلمى ولاء محمد

بألف وصـفة أنيقه
بتنظلم بغداد
سلام الله
على باب الحوائج
أســــد بغداد
بالأرض جنه
وروعة سمـا بغداد
الشر غير لونها
من بيضة الرمادي
نار الغــــــدر تنطفى
وتصبح رمادي
خلي منطقك أبيض دوم
وتحاشـــى الرمادي
حي الله أهل الكرم والـجود
أهل الرمادي
بس لو تصعد للثريا
ما تلحگ البصره
وحگ الواسع
بسمعه وبصره
وعدوي لو نظرني بشــر
ماخوفني بصره
بصري أنا
ولحد المــــوت
أعشگ البصره
و تواصلني بأصالتها
وبهواها موصل
سل يكون بهواكم
لاني عــازل
لاني موصل
رحمة الله
عل ما گطع رحـمه
ودوم مواصل
هايم بأرض نبي الله يونس
الشگرة موصل
بالغيرة جبل عالي
وضميرهم ما يوم جف
نشف ريجي
وأش ما أرتوي
أريد أنوب وأجف
ما أشبع من زيارةعلي
وحب أهل النجف
گلبي سمچة
وتاي هي أبـــــــــــــــحر النجف
يأرض العرب ومنبع الدين
أش ما توفي
تضــــل مطــلوب
للجبار دين
الي يواسيك بدمعته
ترى حـتى الدمعة ديـن
أخذ عروبة وحـــــــــــلم
من صلاح الدين
أهل چلمة
وبيـــــــــــــــــهم الوفا حله
حبيبي مرافگ الزغـــــــــران
وترك حله
بالك تحرم شــــي
الله بجلاله
أمر حله
ياللي تسأل على الــــــــحلو
ترى الحلو الحلة
شافت ضيم وقهر
وفوگ القهر
بله گلبك لا يجــــــــــــــف
وبرقتك دوم بله
وها الدمعة عالجره
بأرض كربلاه
اسودت بوجه الحسين
وإن جمعت كرب وبله
لأمامي ما بطل زيارته
وأمد إيدي إله اللي مدي إيده
ما أستنكف ما نمد إيدي إله
وأنطي وجهي ريان
مثل برتقال ديـــــــالى
ثلث الطگ للـــــوطن
وثلثين لديالــــــــى
صرح هي بداخلي
ومبنية عماره
قيمة البشر
مو فلوس وسـياره وعماره
البشرللموت يمشي
أش ما طالت أعماره
مدرسة غيره
وزلــــــــــــــم أرض العماره
للحگ فزعو فرد فزعة
وكلهم ناصرينه
ثلة ارج السبعين
لحسين ناصرينه
أما من نـــــــــــــــــــــــاصر
وقلة ناصرينه
بالرجال مجربه
كـــــــــــــــــدها الناصرية
أخلاقها بالعرف مضيف
وديوانية ضيفي
إلها عيــــــــــوني
وصدري ديوانية
بالشعر أسولف لها الشـــــعر
وأنظم لها ديوان
ياللي گاصد أرض الـعاصمة
مربالديوانية
تلگاها أبية نفس هي
مثل كركوك
جميلة مكـــــــــحله
بالنفط كركوك
وعيون الطــــــــــمع
كلها على كركوك
العرب گالت إلي
والكرد تتمــنى كركوك
تندرج لقليمهم
وتصبح مثل أربيل
حر البصـــــرة ما ينحمل
ومعتدلة طبيعة أربيل
وبالشكل
أوربا أربيل
أريد أنشدكم ياعرب
هم عدكم نفس أربيل
عروس الوطن
ومكمل حسنها
السليمانية مغرورة بحلاوتها
حگـها السليمانية
اتفك الصدربسحرها
وجبلــــــــــــــها السليمانية
جمال وحسن منــــــــــــــــــظر
أهل السليمانية
لو ما هي
ما حلات بعيوني بغداد..
... بقلمى ولاء محمد