أنا والصحبه واللمه
بنحكى عن هموم بينا
وبنعانى
ودمعه من الوطن تنزل
ووجعانى وخدعانى وسرقانى
وأدور ع الوطن لكن
بشوفه ليه واحد تانى ؟
دانا الناس اللى بتئاسى
وشايلك تاج على راسى
وانا اللى تملى بفتكرك
برغم همومى وأحزانى
كتبت ياوطن عاشقك فى كراسى
وانا العاشق تراب أرضك
وأنا الخايف على عرضك
وانا اللى تملى ببنيلك
وانا اللى ف صبحى بدعيلك
وانا البسمه اللى تخفف عنك الأحمال
وأنا اللى وقت أوجاعك بكون باعك
وأكون حامى الحمى بضهرك واكون زلزال
أنا اللى جلدى لون أرضك وانا إبنك منيش رحال
يافتنه فى وطن دبت وقتلانى
وبعدانى هناك وهناك
بحس بإنى ليه مجهول وذلانى
وليه حتى رغيف العيش منيش لاقي
وصحن الفول دة كان صاحبي وترياقي
بقي حتى مهوش موجود وانا عايش
كما المجنون فى وسط فلول
وجوة بلادى ناس بتموت ومين مسئول ؟
وحشنى عيدك الطيب مع الفرحه
واشوفك ست ست الحسن بالطرحه
وحشنى الصوت وتغريدك
وانى أدعى ربى واوفيلك
واكون وردك واكون راسم جمال عطرك
وتجديدك على نيلك
بخاف العمر يوم ينزف
واودع عمرى فى لهيبك
وينزف ليه ده انا الساكن
فى عشه و بوص فى وسط
الوادى بزرعلك خضار جهدى
وراح جهدى فى أخر الليل
وبتحايل على همومى
برغم انى بقول مووايل
واغنيلك يا عشق وويل
انا نفسي تعودي لى وتنشرى حب فى اركانك
تلمى تانى ف ولادك وتصرفي عنا جلادك
انا مستنى لميعادك تجينى ويومها يا امى
هشيلك شيل
ليست هناك تعليقات:
إرسال تعليق